India

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

भारत गणराज्य (Bhārat Ganarājya) Republic of India Republik India
Banniel ardamez
Ger-stur: सत्यमेव जयते "Satyameva Jayate"  (Sañskriteg)
Kan broadel: Vande Mataram
Kêr-benn	New Delhi 28°36′N 77°12′E
Kêr vrasañ	Mumbai
Yezh(où) ofisiel	Hindeg, Saozneg
Gouarnamant	Republik
- Prezidant	Pratibha Patil
- Kentañ ministr	Narendra Modi
Gorread
- Hollad	3.287.263 km² (7vet)
- Dour (%)	9,56
Poblañs
- niveradeg 2001	1.028.610.328
- Stankter	3.41/km² (2añ)
PDK (PGP)	2010 (istimadur)
- Hollad	$4.060 trillion ([[Roll ar broioù dre o PDK (PGP)|]])
- Keidenn	$3.339 ([[roll ar broioù dre PDK (PGP) dre zen|]])
FDD  (2010)	0,519 () (119vet)
Moneiz	roupi (INR)
Gwerzhid-eur	(UTC+5.5)
Kod kenrouedad	.in
Kod pellgomz	+91

E Su kevandir Azia emañ Republik India, ent-berr India. Gant Bangladesh ha Pakistan en em led war iskevandir Indez etre aradennad an Himalaya en Norzh ha Meurvor Indez, hemañ o vezañ a-dal d'hec'h aodoù Kornôg ha Reter. Ar 7vet brasañ bro er bed eo hag an eil pobletañ gant 1 210 193 422 a dud (2011), war-dro 1 miliard 200 milion eta.

An arouezioù broadel

Kan broadel : Jan gana mana skrivet gant Rabindranath Tagore
Ger-stur: satyam eva jayate (ar wirionez hepken a zo trec'h)
Loen broadel : an tigr
Evn broadel : ar paun
Bleuñv broadel : al lotuz
Gwez broadel : ar banian
Frouezh broadel : ar mangez

Ardamez broadel

• Arouez broadel India a zo anezhañ adskeudenn Leon Sarnath, e-kichen Varanasi en Uttar Pradesh. Hemañ a oa bet savet en 3de kantved kent Jezuz-Krist gant an impalaer Achoka evit merkañ al lec'h ma voe embannet da gentañ e aviel a beoc'h hag a frankizadur gant Bouddha da bevar c'horn ar bed. Setu e tiskouez an arouez broadel penaos e vez kadarnaet hec'h engouestl kozh evit ar peoc'h er bed hag ar volontez vat gant India a-vremañ.
• Emañ ar pevar leon (unan zo kuzhet war ar skeudenn), anezho arouezioù a nerzh, kalonegezh ha fiziañs, war ur sichenn ront. Gronnet eo ar sichenn-se gant pevar loen bihanoc'h, gouarnourien pevar c'horn ar bed: an olifant evit ar reter; ar marc'h evit ar su; an tarv evit ar c'hornôg hag al leon evit an norzh. Hag emañ ar sichenn-se war ul lotuzenn e bleuñv a vez taolennet ganti mammenn ar vuhez hag an awen grouus.
• Ar ger-stur sañskritek satyam eva jayate enskrivet dindan an arouez a sinifi ar wirionez hepken a zo trec'h.

Banniel

Gwelet ar pennad Banniel India

Douaroniezh

• Lec'hiadur: etre al ledredennoù 8° 4' ha 37° 6' norzh hag an hedredennoù 68° 7' ha 97° 25' reter.
  
• Hirder an aodoù: 17 600 km
  

India a ya d'ober al lodenn vrasañ eus iskevandir Indez a zo etre plakenn dektonikel India ha lodenn gwalarn ar blakenn indiat-ha-aostraliat. Lod eus tiriad ar stadoù en norzh hag er biz zo lec'hiet e tolzenn (kein?) an Himalaya. Ar peurrest eus India an norzh, ar c'hreiz hag ar reter zo tiriadoù strujus plaenenn ar Ganga. Er c'hornog, e-kichenn gevret Pakistan emañ dezert an Thar. India ar su zo evit al lod brasañ pladennoù ledenezel an Dekkan, etre div dolzenn (gein?) aodel gant torosennadur accidenté, re Ghat ar c'hornog ha re Ghat ar reter.

Treuzet eo ar vro gant meurstêrioù evel ar Ganga, ar Brahmapoutr, ar Yamunâ, ar Godâvarî, an Narmadâ hag ar gKaveri. Teir enezeg zo, en o zouez ar re Lakediv, hag a zo er-maez aod ar mervent. Bez'zo ivez aridennad volkanek an inizi Andaman ha Nicobar er gevret hag ar re Sunderban e delta ar Ganga e Bengal ar c'hornog. An hin indiat az a eus hini an trovanoù er su betek hini kerreizhoc'h an norzh e lec'h ma zo erc'h a-hed ar goañv e norzh an Himalaya.

Hin ar vro zo levezonet gant an Himalaya ha dezert an Thar. An Himalaya ha menezioù an Hindu Kouch e Pakistan a harz ouzh an avelioù katabatek deuet eus Kreizazia. Rak-se e chom an tommder e lod brasañ ar c'hevandir kontrol d'ar broioù lec'hiet er memes ledred. Evit dezert an Thar a sach avelioù gleborek monson an hañv etre mezheven ha gwengolo hag a zo pennkaoz da lodenn vrasañ kouezhadurioù India.

An inizi Andaman

Rannadurioù India

Gwelet ar pennad Stadoù ha tiriadoù India

Ur c’hevredad stadoù eo India, pep hini gant e Barlamant hag e gouarnamant. Bez' zo eizh stad war ugent, c'hwec'h tiriad mui tiriad ar gêr-benn Delhi Nevez (New Delhi Capital Territory).

3 287 240 km² eo gorread India. Bevennet eo gant Pakistan, Afghanistan, Republik Pobl Sina, Nepal, Bhoutan, Bangladesh ha Birmania. 15 000 km a hirder eo harzoù ar vro.

Stadoù ha tiriadoù India

Ar yezhoù

Gwelet ar pennad: Roll yezhoù ofisiel India

17 yezh pennañ a zo, 844 yezh ha rannyezh all.

Ar relijionoù

Relijionoù pennañ: hindouegezh, islam, kristeniezh, boudaegezh, sikegezh, jainegezh.

Pennadoù kar

• Keginerezh India
• Deiziadur broadel India

Liammoù diavaez

Stadoù Azia

Stadoù Azia

Afghanistan • Arabia Saoudat • Armenia² • Azerbaidjan¹ • Bahrein • Bangladesh • Bhoutan • Brunei • Egipt³ • Emirelezhioù Arab Unanet • Filipinez • India • Indonezia⁵ • Iran • Iraq • Israel • Japan • Jordania • Jorjia¹ • Kambodja • Kazac'hstan¹ • Kiprenez² • Kirgizstan • Korea an Norzh • Korea ar Su • Koweit • Laos • Liban • Malaysia • Maldivez • Mongolia • Myanmar • Nepal • Oman • Ouzbekistan • Pakistan • Qatar • Rusia¹ • Republik Pobl Sina • Republik Sina (Taiwan) • Singapour • Siria • Sri Lanka • Tadjikistan • Thailand • Timor ar Reter⁴ • Turkia¹ • Turkmenistan • Viêt Nam • Yemen

Stadoù ha n'int ket anavezet: Nagorno-Karabac'h²

Tiriadoù gant ur statud ispisial: Hong Kong • Makao • Palestina

1. En Europa evit un darn. 2. En Azia e-keñver douaroniezh met a vez sellet outi evel un tamm eus Europa evit abegoù istorel ha sevenadurel. 3. En Afrika evit ar braz. 4. Lakaet a-wechoù en Oseania. 5. En Oseania evit un darn.