t Nedersaksies is n West-Germaanse taal, die deur zo'n dree miljoen meensen espreuken wördt. Der is gien standardvorm veur t Nedersaksies, t besteet uut verschillende dialekten.
De sprekers van t Nedersaksies neumen der eigen dialekt meestentied plat of bie de naam van de plaotse of streek waor ze vandaon koemen (Achterhooks, Draents, Zwols, en gao zo mer deur). Veur t Nedersaksies bin der verschillende schriefwiezes. < Meer lezen >
Søren Aabye Kierkegaard (Kopenhagen, 5 meei1813 – aldaar, 11 november1855) was n 19e eeuwseDeensetheologie en filosoof. Ok al nuumden he zichzölf n antifilosoof en n religieus schriever en wödt algemien ezien as de eersten existentialistiese filosoof. Tengenswoordig zeg men t aans, zi'j wult Kierkegaard in zien historiese kontekst begriepen en nie laanker interpreteren vanuut de existentialistiese beweging.
Søren Aabye Kierkegaard wördden geboren op 5 meei 1813 in Kopenhagen. As leste van de zeuven wichter uut t gezin en hi'j stamden uut t tweede huwelik van zien va. Alle wichter starft veur zi'j de 35 jaor haald magt hebben, behaolve breur Peter, die nog laanker leven zol as Søren. Zien va Michael Peterson Kierkegaard drög n zwaore last met zich met, ofkomstig vanuut zien jeugd: As jonk had he, tiedens t hoeden van schaopen, God vervluukt um zien ellendige bestaon. Dat zörgden nog vake bi'j m veur n zwaormoedige bujjen. Va Michael was toch n prima zakenman die völle geld binnen haald hef. Wat geld betröf kwaam t gezin prima deur. Allene har zien va zien verstaand n bettie kwiet ewörden deur zien vroggere godsvervluuking. Hi'j schref dan ok de vrogge dood van vieve van zien wichter hier op an. Kierkegaard hef beheurlike trekken an disse melancholie van zien va der an over hoolden. An de aandere kaante mut iets m inspireerd hebben, want der bint maar weinig lu die zo völle schreven hebt as Kierkegaard in zo'n körte tied. >>
