Bahrain
| مملكة البحرين Mamlakat al-Baḥrayn
|
|||||||||||||||||||||||||||||||||||||||||||||||||||||||
Bahrain esas stato en Azia en Persiana gulfo. Ol jacas en un arkipelago, este de Saudia Arabia.
Bazala fakti pri Bahrain.
Historio[redaktar | edit source]
 |
Videz anke: Historio di Bahrain. |
Ye 1783 l'Araba familio al-Khalifa kaptas povo en l'arkipelago. Ahmed Al-Fateh divenis l'unesma sheiko de al-Khalifa dinastio. Ye 1861 la regiono divenis Britana protektorato[2].
Petrolo esis deskovrita en l'arkipelago ye 1932, e pose Bahrain rapide developis. Pos la Duesma mondomilito sentimenti kontre Britani kreskis, e sedicii komencis en l'arkipelago, specale kontre judi. Ye 1947 granda nobro di judi fugis a Mumbai e pos establisis en Palestina od en Unionita Rejio.
Ye 1970 Iran reklamacis la posedado di Bahrain ed altra insuli en Persiana gulfo, ma pos un konkordo kun Unionita Rejio, ol abandonis lua reklamaco pri l'arkipelago. Ye 15 di agosto 1971, pos plebicito Bahrain ganis nedependeso de Unionita Rejio. Ye 1973 ol adoptis lua unesma konstituco.
L'augmento di preci di petrolo dum 1970a yari stimulis ekonomiala kresko di lando. Pos interna milito en Libano lando anke divenis importanta financala centro en Mez-Oriento.
Politiko[redaktar | edit source]
Bahrain esas konstitucala monarkio. La chefo di guverno esas la chefa ministro, nune Khalifah ibn Sulman Al Khalifah. La Parlamento havas 2 chambri: Chambro di Deputati kun 40 membri elektita da populo, e Shura konsilantaro, anke 40 membri, indikita da monarko. Lua nuna konstituco esis promulgita ye 2002.
Geografio[redaktar | edit source]
Bahrain esas mikr-arkipelago formita da 36 insuli en Persiana gulfo, este de Saudia Arabia. De la 36 insuli, 3 havas populo[2]. Lua maxim alta monto, Jabal ad Dukhan, havas 134 metri di altitudo. Lua relevo generale esas plana, e la maxim alta monto havas 134 metri di altitudo.
Lua klimato esas arida, e 92% di lando esas kovrata da dezerto. Esas komuna ke tempesti di polvo de Saudia Arabia od Irak atingas l'arkipelago. Pluvo esas poka e neregulala.
Ekonomio[redaktar | edit source]
|
Videz anke: Ekonomio di Bahrain. |
Danko a petrolo, l'ekonomio di Bahrain kreskas maxim rapida en la regiono di Persiana gulfo segun raporto dil Unionita Nacioni ye januaro 2006[3].
Demografio[redaktar | edit source]
Ye 2010 totala populo atingis 1,234,000 lojanti, di qua 54% esas stranjeri. Ye 2008 cirkum 290,000 Indiani vivis en lando.
La religio por 81,8% dil populo esas islamo. Cirkum 9% esas kristana e 9,2% hinduisti od altra religii[1].
Kulturo[redaktar | edit source]
Khaleeji esas naciona muziko di Bahrain. Kompare altra Araba stati, lando esas la maxim fekunda editero di libri en Araba linguo: ye 2005 132 nova tituli esis publikigita en lando, por un totala populo di cirkum 1 milioni lojanti. Samatempe, l'averajo di nova tituli en altra Araba landi esis 7 nova tituli por 1 miliono di lojanti. Segun demografiala kontado ye 2001 86,5% di populo savis lektar ed skribar[1].
Referi[redaktar | edit source]
- ↑ 1.0 1.1 1.2 https://www.cia.gov/library/publications/the-world-factbook/geos/ba.html
- ↑ 2.0 2.1 Almanaque Abril 2010 - p.402, Editora Abril, Brasil (en portugalana linguo)
- ↑ Bahrain expected to bustle - Arabian Business, 1 di februaro 2007
.svg)
