Opera

Representación d'a opera Turandot de Puccini en o Luna Park de Buenos Aires (2006).

A opera ye un espectaclo a on que una narración u historia se scenifica cantando y con acompanyamiento orquestal y os elementos scenicos tipicos d'o teatro (decoracions, vestuario). Asobén va precedita d'una introdución instrumental. O suyo nombre proviene d'a denominación italiana opera in musica (obra musicalizata), y ye cognato d'a parola patrimonial aragonesa "uebra" ("fer buena uebra").

Ha tenito gran apocheu entre l'alta burguesía y a nobleza d'os zaguers sieglos, fendo parti d'a tradición d'a musica clasica europea.

§A opera en Aragón

A torre d'o Trobaire en l'Alchafaría.

Entre os grans cantaires d'opera d'Aragón se pueden destacar os tenors Miguel Fleta, Julián Biel u Antonio Aramburo, o baritono Marino Aineto Castro y as sopranos Pilar Lorengar y Carmen Gracia Tesán.

Cal decir tamién que una d'a operas más famosas de Giuseppe Verdi, Il trovatore, se desembolica en gran parti en Aragón, prencipiando l'acción en a torre d'o Trobaire de l'Alchafaría de Zaragoza.