Bahrain

Pagarian iti Bahrain مملكة البحرين Mamlakat al-Baḥrayn
Nailian a kanta:  Bahrainona
Lokasion iti  Bahrain  (berde) idiay Tengnga a Daya  (kolordapo)  —  [Sarita]
Kapitolio (ken kadakkelan a siudad)		Manama 26°13′N 50°35′E
Opisial a pagsasao		Arábiko
Nagan dagiti umili		Bahraini
Gobierno		Batay-linteg a Monarkia
-	Ari	Hamad bin Isa Al Khalifa
-	Nabalangatan a Prinsipe	Salman bin Hamad bin Isa Al Khalifa
-	Kangrunaan a Ministro	Khalifa bin Salman Al Khalifa
Lehislatura		Nailian a Gimong iti Bahrain
Panakawayawayas
-	Manipud ti Persia	1783
-	Panagipatingga iti naipangpangruna a tulag iti Nagkaykaysa a Pagarian	15 Agosto 1971
Kalawa
-	Dagup	750 km2 (Maika-185) 290 kd milia
-	Danum (%)	0
Bilang dagiti umili
-	2010 karkulo	1,234,571 (Maika-155)
-	Densidad	1,646.1/km2 (Maika-7) 4,257.2/kd mi
GDP (PPP)		2011 karkulo
-	Dagup	$31.101 billion
-	Tunggal maysa a tao	$27,556
GDP (nominal)		2011 karkulo
-	Dagup	$26.108 bilion
-	Tunggal maysa a tao	$23,132
HDI (2011)		0.806  (nangato unay) (42nd)
Kuarta		Bahraini a dinar (BHD)
Sona ti oras		AST (UTC+3)
Agmaneho iti		Kanawan
Internet TLD		.bh
Kodigo ti panagtelepono		973

Ti  Bahrain (Arabiko: ‏البحرين‎, al-Baḥrayn) (Persiano: ‏بحرين‎, Baḥrain), opisial a ti Pagarian iti Bahrain (Arabiko: مملكة البحرين‎,  Mamlakat al-Baḥrayn), ket maysa a bassit nga isla nga estado iti asideg ti lumaud a pantar iti Persiano a Golpo. Tinurayan daytoy babaen ti naarian a pamilia ti Al Khalifa. Manipud idi 2010 addan daytoy ti populasion iti 1,234,571, a mairaman dagiti 666,172 a saan nga umili.Dati daytoy nga emirato, ti Bahrain ket nairangarang a kas maysa a pagarian idi 2002.

Ti Bahrain ket maysa a purpuro kadagiti 33 nga is-isla, a ti kadakkelan ket ti Isla ti Bahrain, iti kaatiddog a 55 km (34 mi) ken 18 km (11 mi) a kalawa. Ti Saudi Arabia naisanglad iti laud ken naisilpo iti Bahrain babaen ti Ari Fahd a Nangato a kalsada. Ti Qatar ket addaan iti abagatan a daya ti ballasiw ti Golpo iti Bahrain. Ti naplano a Qatar Bahrain a nagato a kalsada ket isilpona ti Bahrain ken Qatar ken agbalinto a ti kaatiddogan a nagato a kalsada ti baybay iti lubong.

Naamammoan daytoy kadgiti lana ken perlas, ti Bahrain ket balay pay dagiti dadakkel a patakder, a mairaman ti Sentro ti Komersio ti Lubong ti Bahrain ken ti Bahrain a Puerto ti Busbos, nga addaan ti naipaltiing a panagipatakder ti 1,022 m (3,353 ft) a kangato ti Murjan a Torre. Ti Qal’at al-Bahrain (ti puerto ken kapitolio iti taga-ugma a daga iti Dilmun) ket nairangarang idi a kas maysa a UNESCO a Tinawtawid a Pagsaadan iti Lubong idi 2005. Ti Umuna a Pagannurotan ti Grand Prix ti Bahrain a maipabuya idiay Bahrain nga Internasional a Law-law.

Etimolohia

Iti Arabiko, ti bahrayn ket isu ti dua a porma iti bahr ("baybay"), a ti al-Bahrayn ket kayatna a saoen a ti "dagiti Dua a Baybay". Nupay kasta, no ania dagiti naitudo a kasisigud a dua a baybay ket naisuppitan. Daytoy a balikas ket agparang iti maminlima idiay Korán, ngem saan a mangitudo iti moderno nga isla — a naamammoan dagiti Arabo a kas ti "Awal" — ngem ti oasis iti al-Katif ken Hadjar (moderno nga al-Hasa). Saan a nalawag no kaano idi a nangrugi ti balikas a mangitudo ti is-isla ti Awal, ngem daytoy ket baka idi maika-15 a siglo.

Tatta nga aldaw, ti al-Hasa ket tagikua ti Saudi Arabia ken ti "dua a baybay" ti Bahrain ket sapasap a naala dagitoy iti luek a daya a laud iti isla, ti baybay anga amianan ken abagatan iti isla,^{[masapul a dakamaten]} wenno ti naapgad a danum ken di-naapgad a danum nga adda iti ngato ken sirok ti daga. Iti panakainayon pay dagiti bubon, adda dagiti luglugar iti amianan a baybay iti Bahrain a dagiti labutab ket agpangato idiay tengnga iti naapgad a danum, a napalpaliiw dagiti agbisbisita manipud idi taga-ugma a panawen.

Ti sabali pay a teoria ket naidaton babaen a ni al-Ahsa a dagidi dua a baybay ket tie Nalatak a Berde a Taaw ken ti maysa a nakappia a danaw idiay kangrunaan a daga; ken ti pay pay maysa babaen ni al-Jawahari a daytoy ket adadu a pormal a nagan a ti Bahri (lit. "tagikua ti baybay") a daytoy ket nakaallilaw ken ket saan a naala.