Mont

Pol discramiaedje des årtikes avou l' mot "Mont", loukîz cial

Mont (fr: Mons, nl: Bergen) est ene veye del Walonreye, e payis picård, mwaisse-veye del province do Hinnot.

I gn a eto ds ôtès plaeces lomêyes Mont.

Panorama.

Eplaeçmint del comene di Mont el province

• Dimorants: 90.955 (2002)
• Arondixhmint: Mont
• Sitindêye: 147,73 km²
• Dinsité: 615,68 djins/km²
• Hôteu: di 27 a 105 metes

Li ban d' Mont

• Mont (veye)
• Avrè
• Armégnî
• Cweme
• Cipli
• Djumape
• Flinnu
• Glin-dlé-Mont
• Harvent
• Hyon
• Maîsiéres
• Mevin
• Novele
• Nîmi
• Obour
• Sint-Sinforyin
• Sint-Dnis
• Spiene
• Vilé-Sint-Guilin

Djeyografeye

Li veye si trove nén lon erî del frontire avou l' France, bagneye pa l' Aiwe d' Inne, elle est l' cinte del redjon do Borinaedje, ancyinne redjon di hoyires.

Imådje do befrwè

Li comene intité di Mont a come vijhenes les comenes intités di Binche, L' Estene, Framriye, Djurbize, El Lovire, El Rû, Cwargnon, Kévi, Sint-Guilin eyet Sougniye.

Istwere

Li veye fourit fondêye e 7inme sieke, åtoû d' èn oratwere basti pa Wådrou (Waldetrude), feye d' èn intindant da Clotaire II, eyet canonijheye a s' moirt e 688 dizo l' no d' Sinte Wådrou.

Mins l' plaece aveut stî ocupêye co pus timpe, å neyolitike a Spiene, poy a l' epoke rominne ene gårnizon, Castri Locus, s' aveut establi avåla.

Mont vikéve dins l' tins do tcherbon. Mins, asteure, c' est ene grosse veye univiersitaire, avou l' Univiersité di Mont-Hinnot, les Facultés Univiersitaires Catolikes di Mont eyet li Faculté Politecnike di Mont.

Populåcion sorlon les anêyes

• 1977: 97.445 djins
• 1994: 92.495 djins
• 2002: 90.955 djins

Foclore

Li Doudou, li dicåce di Mont ki s' fwait tos ls ans al Trinité

Adjermalaedjes

Mont est adjermelé avou les veyes francesses di Briare-le-Canal, Thoissey eyet Vannes; ey eto avou Sefton (Grande Burtaegne), Changsha (Chine) et Little Rock (Estats-Unis).

Difoûtrinne waibe

Waibe oficire del comene