Pakistan

Naggapo idiay Ilokano Wikipedia, ti nawaya nga ensiklopedia
Lumaktaw idiay: pagdaliasatan, biruken
Islamiko a Republika iti Pakistan
اسلامی جمہوریۂ پاکستان
Islāmī Jumhūrī-ye Pākistān
Pasasao: Ilokano: Pammati, Panagkaykaysa, Disiplina[1]
(Urdu: ایمان، اتحاد، تنظیم)
Iman, Ittehad, Tanzeem
Qaumī Tarāna
Ti lugar a mabirukan ti Pakistan ket namarisan ti berde; ti alalaen ngem saan a naturayan a teritorio ket namarisan ti napudaw a berde
Ti lugar a mabirukan ti Pakistan ket namarisan ti berde; ti alalaen ngem saan a naturayan a teritorio ket namarisan ti napudaw a berde
Kapitolio Islamabad
33°40′N 73°10′E / 33.667°N 73.167°E / 33.667; 73.167Nagsasabtan: 33°40′N 73°10′E / 33.667°N 73.167°E / 33.667; 73.167
Kadakkelan a siudad Karachi
Opisial a pagsasao Urdu
Ingglés (Pakistani)
Mabigbig a rehional 
a pagsasao		 Balochi, Pashto, Punjabi, Saraiki, Sindhi[2]
Nagan dagiti umili Pakistani
Gobierno Pederal Parlamentario a republika
 -  Presidente Mamnoon Hussain (PML-N)
 -  Kangrunaan a Ministro Nawaz Sharif (PML-N)
 -  Pangulo ti Hustisia Iftikhar Chaudhry
 -  Mangipangulo iti Senado Farooq Naek (PPP)
 -  Tagabitla ti Kamara Fahmida Mirza (PPP)
Lehislatura Majlis-e-Shoora
 -  Ngato a Kamara Senado
 -  Baba a Kamara Nailian a Gimong
Panakabangon
 -  Panakaaramid iti Pakistan 29 Disiembre 1930 
 -  Panakairangarang ti Pakistan 28 Enero 1933 
 -  Resolusion ti Pakistan 23 Marso 1940 
 -  Panakaiwayawayas manipud ti Nagkaykaysa a Pagarian 
 -  Nairangarang 14 Agosto 1947 
 -  Islamiko a Republika 23 Marso 1956 
Kalawa
 -  Dagup 796,095 km2 (Maika-36)
307,374 kd milia 
 -  Danum (%) 3.1
Bilang dagiti umili
 -  2011 karkulo 177,100,000[3] (Maika-6)
 -  1998 senso 132,352,279[4] 
 -  Densidad 214.3/km2 (Maika-55)
555/kd mi
GDP (PPP) 2011 karkulo
 -  Dagup $482.913 bilion[5] 
 -  Tunggal maysa a tao $2,851[5] 
GDP (nominal) 2011 karkulo
 -  Dagup $202.831 bilion[5] 
 -  Tunggal maysa a tao $1,197[5] 
Gini (2005) 31.2 (medio) 
HDI (2011) increase 0.504[6] 
(nababa) (Maika-145)
Kuarta Pakistani a Rupee (Rs.) (PKR)
Sona ti oras PST (UTC+5)
 -  Kalgaw (DST) PDT (UTC+6)
Agmaneho iti left[7]
Internet TLD .pk
Kodigo ti panagtelepono 92

Ti Pakistan (Dengngeni/ˈpækɨstæn/ wenno Dengngeni/pɑːkiˈstɑːn/; Urdo: پاکستان), opisial a ti Islamiko a Republika iti Pakistan ket maysa a naturay a pagilian idiay Abagatan nga Asia. Ti pagilian ket adda ti populasion iti sumurok a 180 a riwriw a tattao, dayttoy ket isu ti maika-6 a kaaduan ti populasion a pagilian iti lubong. Daytoy ket mabirukan iti estratihiko a nangruna a pagsasabtan kadagiti rehion ti Abagatan nga Asia, Tengnga nga Asia ken Lumaud nga Asia, ti Pakistan ket addaan ti 1,046-kilometro (650 mi) nga aplaya iti igid ti Baybay Arabiano ken ti Golpo iti Oman iti abagatn aken nabeddengan babaen ti India iti daya, Apganistan iti laud ken amianan, Iran iti abagatan a laud ken ti Tsina iti adayo nga amianan a daya. Daytoy ket naisina manipud ti Tajikistan babaen ti akikid a Koridor Wakhan ti Apganistan iti amianan, ken makibinningay pay ti baybay a pagbeddengan iti Oman.

Ti teritorio ti moderno a Pakistan ket taengan id dagiti nadumaduma a taga-ugma kultura, mairaman ti Neolitiko a Mehrgarh ken ti Gambang a Panawen ti Sibilisasion ti Indus a Ginget, ken nakapan daoty kadagiti panagparmek wenno panangitaeng babaen dagiti Hindu, Persiano, Indo-Griego, Islamiko, Turko-Mongol, Apgani ken Sikh. Ti lugar ket tinurayan idi dagiti nadumaduma nga imperio ken dagiti dinastia, a mairaman ti Indiano a Maurya nga Imperio, ti Persiano anga Akueminida nga Imperio, ti Arabo nga Umayyad a Kalipato, ti Mongol nga Imperio, ti Mughal nga Imperio, ti Durrani nga Imperio, ti Sikh nga Imperio ken ti Britaniko nga Imperio. Gapu ti nagbanagan ti Tignay ti Pakistan nga indauloan babaen ni Muhammad Ali Jinnah ken ti salisal para iti pannakawaya ti India, ti Pakistan ket napartuat idi 1947 a kas maysa a nawaya pagilian para kadagiti Muslim manipud kadagiti rehion iti daya ken laud ti India nga adda idiay dagiti kaaduan a Muslim. Iti immununa daytoy idi ket maysa a dominion, ti Pakistan ket nangampon ti maysa a baro a batay-linteg idi 1956, ken nagbalin daytoy nga Islamiko a republika. Ti sibil a gubat idi 1971 ket nagbanagan ti pannakisina ti Daya a Pakistan a kas baro a pagilian ti Banglades.

Ti Pakistan ket maysa a pederal a parliamentario a republika a buklen dagiti uppat a probinsia ken uppat a pederal a teritorio. Daytoy ket maysa a naindaumaduma ti etniko ken linguistiko a pagilian, nga adda ti kapada a pannakaidumduma iti bukodna a heograpia ken dagiti naatap a niag. Ti Pakistan ket maysa a rehional ken tengnga abileg,[8][9] Ti Pakistan ket addan ti maikapito a kadakkelan nga agtaktakder a pursa armada iti lubong ken maysa pay a nuklear a bileg ken isu pay ket maysa a nairangarang a estado addan ti nuklear nga armas, nga isulaeng ti pagilian iti Muslim a lubong, ken ti maikadua idiay Abagatan nga Asia, nga addaan iti daytoy a saad. Daytoy ket addan ti maysa a semi-industrialisado nga ekonomia nga isu daytoy ti maika-27 a kadakkelan iti lubong iti termino ti bileg a panaggatang ken maika-47 a kadakkelan iti termino ti nominal a GDP.

Ti kalpasan ti pannakawaya a pakasaritaan ti Pakistan ket nailaslasin babaen dagiti paset ti panawen iti mitar a panagturay, di natalinaay a politika ken dagiti suppiat ti kaarrubana nga India. Ti pagilian ket agtultuloy a mangsang kadagiti makakarit a problemana, a mairaman ti terorismo, kinapanglaw, di kaamo ti panagbasa ken panagsurat ken pagdadaksan. Daytoy ket nangibangon a kameng ti Gunglo ti Islamiko a Konperensia (nga itan ket Gunglo ti Islamiko a Pagtitinnulongan) ken kameng daytoy ti Nagkaykaysa a Pagpagilian, ti Mankomunidad ti Pagpagilian, ti Dagiti Ekonomia ti Smaruno a Sangapulo ket maysa, SAARC, ECO, D8 ken ti G20 nga agrangrang-ay a pagpagilian.

Dagiti nota[urnosen | urnosen ti taudan]

Dagiti nagibasaran[urnosen | urnosen ti taudan]

  1. ^ "Ti Naestaduan a Kayarigan". Ministro iti Pakaammo ken Panagiwaragawag, Gobierno iti Pakistan. 
  2. ^ "Populasion babaen ti Patneng a Pagsasao". Gunglo ti Senso ti Populasion, Gobierno iti Pakistan. Naala idi 28 Disiembre 2011. 
  3. ^ "Populasion (Iti riwriw) Babaen ti probinsia, 2011". Ministro iti Pagsayaatan ti Populasion, Gobierno iti Pakistan. Naala idi 28 Disiembre 2011. 
  4. ^ "Kalawa, Populasion, Densidad ken Urbano/Away a Panakaibingbingay babaen dagiti Administribo a Paset". Gunglo ti Senso ti Populasion, Gobierno iti Pakistan. Naala idi 28 Disiembre 2011. 
  5. ^ a b c d "Pakistan". Internasional a Pundo ti Panguartaan. Naala idi 21 Abril 2011. 
  6. ^ "Reporta ti Panagrangrang-ay ti Nagtagitaoan 2011. Agdama a pagsurutan ti Panagrangrang-ay ti Nagtagitaoan: Tabla 1" (PDF). Nagkaykaysa a Pagpagilian a Programa ti Panagrangrang-ay. Naala idi 12 Nobiembre 2011. 
  7. ^ Loureiro, Miguel (28 Hulio 2005). "Driving—the good, the bad and the ugly". Daily Times (Pakistan). Naidulin manipud ti kasisigud idi 2012-05-30. Naala idi 10 Enero 2010. 
  8. ^ Barry Buzan (2004). Ti Estados Unidos ken dagiti nalatak a bileg: dagiti politika ti lubong iti maika-duapulo ket maysa a siglo. Polity. pp. 71, 99. ISBN 978-0-7456-3374-9. Naala idi 27 Disiembre 2011. 
  9. ^ Hussein Solomon. "Ganganaetnga Annuroten ti Abagatan nga Aprika ken ti Panangidaulo ti Tengnga a Bileg". Naala idi 27 Disiembre 2011. 

Dagiti silpo tiruar[urnosen | urnosen ti taudan]

Naala manipud idiay "http://ilo.wikipedia.org/w/index.php?title=Pakistan&oldid=238017"