Danio

	Kongeriget Danmark
	Reĝlando Danio
; (Detaloj)	; (Detaloj)
	Nacia himno: Der er et yndigt land (Jen kuŝas ĉarma lando)
Bazaj informoj
Ĉefurbo	Kopenhago
Ĉefa(j) lingvo(j)	dana
Plej ofta(j) religio(j)	protestantoj
Areo; % de akvo	43.094 kv. km²; 1,6%
Loĝantaro	5.447.084 (2007)
Loĝdenso	126/km²
Horzono	UTC+1; UTC+2 (marto ĝis oktobro)
Interreta domajno	.dk
Landokodo	DK
Telefona kodo	45
Politiko
Politika sistemo	Monarkio
Ŝtatestro	Reĝino Margareta la 2-a
Ĉefministro	Helle Thorning-Schmidt (ekde okt. 2011)
Nacia tago	5-a de junio (Konstitucia tago)
Sendependiĝo	prahistorie.
Ekonomio
Valuto	Krono (DKK)
	Esperanto-movado
Landa E-asocio	Dana Esperanto-Asocio
v • d • r

Danio, ankaŭ nomata Danlando aŭ Danujo (oficiale Reĝlando Danio, dane: Kongeriget Danmark IFA: ['dɑnmɑɐ̥g̊]), estas la plej malgranda kaj sudokcidenta lando de la nordaj landoj. Ĝi situas norde de Germanio (la nura tera najbaro), sudokcidente de Svedio, kaj sude de Norvegio. Ĝi situas en Skandinavio en la norda parto de Eŭropo, sed ne sur la Skandinavia duoninsulo.

La lando situas inter la Balta maro kaj la Norda Maro. Ĝi fizike konsistas el duoninsulo Jutlando kaj 443 nomohavaj insuloj, el kiuj nur 76 loĝatas. Plej gravaj insuloj estas la Nordjutlanda insulo, Fyn, Sjælland (ejo de ĉefurbo Kopenhago) kaj Bornholm. Sude ĝi havas mallongan terlimon al Germanio, norde kaj oriente marlimas al Norvegio kaj Svedio pere de maretoj Skagerrak kaj Kattegat.

Danio estas konstitucia monarkio, unu el la plej malnovaj monarkioj de la mondo, kaj estas parto de la Eŭropa Unio. Gronlando kaj la Ferooj estas la kronaj teritorioj de Danio, unu la alia kun federacia reĝo. Danio estis elektita kiel membro de la UN-a Konsilio de Sekureco kaj regas en la skandinavia modelo de publikaj servoj.