1978

Ár

1975 1976 1977 – 1978 – 1979 1980 1981

Áratugir

1961–1970 – 1971–1980 – 1981–1990

Aldir

19. öldin – 20. öldin – 21. öldin

Árið 1978 (MCMLXXVIII í rómverskum tölum) var 78. ár 20. aldar sem hófst á sunnudegi.

§Atburðir

§Janúar

Veðurkort af Vötnunum miklu 26. janúar 1978

• 1. janúar - Bandarísku höfundalögin 1976 tóku gildi.
• 1. janúar - 213 manns fórust, þegar Boeing 747-flugvél sprakk skömmu eftir flugtak í Bombay á Indlandi.
• 5. janúar - Nýlistasafnið var stofnað í Reykjavík.
• 5. janúar - Bülent Ecevit varð forsætisráðherra Tyrklands.
• 6. janúar - Bandaríkin skiluðu Stefánskórónunni til Ungverjalands, en hún hafði verið í Bandaríkjunum frá lokum Síðari heimsstyrjaldar.
• 10. janúar - Leiðtogi andstöðunnar gegn stjórn Somozas í Níkaragva, Pedro Joaquín Chamorro Cardenal, var myrtur.
• 14. janúar - Johnny Rotten hætti í Sex Pistols.
• 18. janúar - Mannréttindadómstóll Evrópu komst að því að breska ríkisstjórnin hefði gerst sek um illa meðferð fanga á Norður-Írlandi, en ekki pyntingar.
• 23. janúar - Svíþjóð bannaði notkun á gasi í þrýstihylkjum, sem talið er að skaði ósonlagið.
• 24. janúar - Sovéski gervihnötturinn Kosmos 954 brann upp í gufuhvolfinu og dreifðist yfir Norðvesturhéruð Kanada.
• 25.-27. janúar - 70 létust í snjóstormi í Ohio-dal og við Vötnin miklu.
• 25. janúar - Fyrrverandi borgarstjóri Barselóna, Joaquín Viola, var myrtur.
• 28. janúar - Bandaríski raðmorðinginn Richard Chase var handtekinn.

§Febrúar

Rhode Island eftir snjóstorminn

• 1. febrúar - Kvikmyndaleikstjórinn Roman Polanski flúði frá Bandaríkjunum eftir að hafa játað að hafa haft kynmök við 13 ára stúlku.
• 2. febrúar - Listahátíð í Reykjavík var sett. Kvikmyndahátíð í Reykjavík var í fyrsta sinn hluti af hátíðinni.
• 2. febrúar - Dyrhólaey var friðlýst.
• 5. febrúar - Ingemar Stenmark varð heimsmeistari í svigi og stórsvigi í Garmisch-Partenkirchen, Þýskalandi.
• 5.-7. febrúar - Um 100 létust í snjóstormi á Nýja Englandi.
• 11. febrúar - Alþýðulýðveldið Kína aflétti banni á bókum Aristótelesar, William Shakespeare og Charles Dickens.
• 13. febrúar - Sprengjutilræðið við Hilton-hótelið í Sydney: Þrír létust og margir særðust.
• 15. febrúar - Bandaríski raðmorðinginn Ted Bundy náðist í Flórída.
• 15. febrúar - Leon Spinks varð nýr þungavigtarmeistari í hnefaleikum þegar hann sigraði Muhammad Ali í Las Vegas öllum að óvörum.
• 16. febrúar - Fyrsta upplýsingatöflukerfið, CBBS, var sett upp í Chicago.
• 19. febrúar - Egyptalandsher réðist á alþjóðaflugvöllinn í Larnaca á Kýpur til að reyna að hindra flugrán.
• 21. febrúar - Rafveitumenn uppgötvuðu leifar píramídans mikla í Tenochtitlan undir miðri Mexíkóborg.

§Mars

Olíuskipið Amoco Cadiz sekkur

• 1. mars - Jarðneskum leifum Charlie Chaplin var rænt úr kirkjugarði í Corsier-sur-Vevey í Sviss.
• 2. mars - Skemmtistaðurinn Hollywood var opnaður í Ármúla í Reykjavík.
• 2. mars - Sovéska geimfarið Sojús 28 hélt af stað til geimstöðvarinnar Saljút 6.
• 3. mars - Ródesía gerði árás á Sambíu.
• 6. mars - Bandaríski klámblaðakóngurinn Larry Flint var skotinn í Lawrenceville í Georgíu.
• 11. mars - Palestínskir hryðjuverkamenn réðust á rútu á þjóðvegi 2 í Ísrael og myrtu 38 manns, þar af 13 börn.
• 14. mars - Borgarastyrjöldin í Líbanon: Ísraelsher réðist inn í Suður-Líbanon.
• 15. mars - Stríð Sómalíu og Eþíópíu: Sómalía og Eþíópía undirrituðu friðarsamninga.
• 16. mars - Rauðu herdeildirnar rændu Aldo Moro í Róm. Hann fannst síðar myrtur í farangursgeymslu fólksbifreiðar.
• 16. mars - Olíuskipið Amoco Cadiz steytti á skerjum í Ermarsundi og brotnaði í tvennt með þeim afleiðingum að úr varð eitt alvarlegasta umhverfisslys sögunnar.
• 18. mars - Fyrrum forsætisráðherra Pakistan, Zulfikar Ali Bhutto, var dæmdur til dauða fyrir að hafa fyrirskipað morð á pólitískum andstæðingi.
• 22. mars - Loftfimleikamaðurinn Karl Wallenda lést þegar hann féll af línu sem hann gekk á á milli hótela í San Juan, Púertó Ríkó.

§Apríl

• 2. apríl - Bandaríska sjónvarpsþáttaröðin Dallas hóf göngu sína á CBS.
• 8. apríl - Leikskólinn Furugrund hóf starfsemi í Kópavogi.
• 26. apríl - Kvikmyndasjóður Íslands og Kvikmyndasafn Íslands voru stofnuð.

§Maí

• 4. maí - Sundurskotið lík fyrrum forsætisráðherra Ítalíu, Aldo Moro, fannst í skotti bíls í Róm.
• 7. maí - Jarðgöng undir Oddsskarð á milli Eskifjarðar og Neskaupstaðar voru vígð. Göngin eru í um 630 metra hæð og eru um 630 metra löng.
• 28. maí - Sveitarstjórnarkosningar voru haldnar á Íslandi. Sjálfstæðisflokkurinn missti þann meirihluta sem hann hafði haft í borgarstjórn Reykjavíkur í áratugi í kosningum, en náði honum svo aftur fjórum árum síðar.

§Júní

• Júní - Tölvuleikurinn Space Invaders kom út í Japan.
• 8. júní - Intel sendi frá sér Intel 8086-örgjörvann, fyrsta örgjörvann sem byggði á x86-hönnun.
• 10. júní - Keflavíkurganga á vegum herstöðvaandstæðinga var gengin frá hliði herstöðvarinnar í Keflavík til Reykjavíkur.
• 25. júní - Alþingiskosningar voru haldnar á Íslandi.
• 26. júní - Versalir urðu fyrir miklum skemmdum vegna sprengju sem bretónskir aðskilnaðarsinnar komu fyrir.

§Júlí

• 7. júlí - Salómonseyjar fengu sjálfstæði frá Bretlandi.
• 25. júlí - Fyrsta glasabarn heims, Louise Brown, fæddist í Bretlandi.

§Ágúst

• 26. ágúst - Albino Luciani varð Jóhannes Páll 1. páfi.

§September

• 1. september - Síðari ríkisstjórn Ólafs Jóhannessonar tók við völdum. Að henni stóðu Framsóknarflokkurinn, Alþýðuflokkurinn og Alþýðubandalagið. Þessi stjórn sat til 15. október 1979.
• 1. september - Matvælafyrirtækið Sómi var stofnað í Kópavogi.
• 5. september - Camp David-samningurinn var undirritaður af Anwar Sadat og Menachem Begin.
• 10. september - Sjóíþróttafélagið Sæfari var stofnað á Ísafirði.
• 19. september - Fatlaðir fóru í kröfugöngu í Reykjavík og kröfðust jafnréttis. Gangan var skipulögð af Sjálfsbjörgu.
• 30. september - Fyrsta skráða ferð Ferðafélags Íslands eftir Laugaveginum.

§Október

• 14. október - Heimabruggun bjórs er heimiluð í Bandaríkjunum með lagabreytingu.
• 16. október - Karol Józef Wojtyła varð Jóhannes Páll 2. páfi.

§Nóvember

• 3. nóvember - Megas hélt fræga tónleika í Menntaskólanum við Hamrahlíð undir heitinu Drög að sjálfsmorði.
• 8. nóvember - Friðrik Ólafsson var kjörinn forseti Alþjóða skáksambandsins FIDE og gegndi þeirri stöðu í fjögur ár.
• 15. nóvember - Flug Loftleiða LL 001: Farþegaþotan Leifur Eiríksson í eigu Loftleiða fórst í aðflugi á Colombo á Srí Lanka og fórust með henni 197 manns.
• 18. nóvember - Fylgjendur Jim Jones og Peoples Temple frömdu fjöldasjálfsmorð í Jonestown í Gvæjana.

§Desember

• 5. desember - Chris Curry og Hermann Hauser stofnuðu breska tölvufyrirtækið Cambridge Processor Unit Ltd sem síðar varð Acorn Computers.
• 22. desember - Bandaríski raðmorðinginn John Wayne Gacy var handtekinn í Chicago.

§Ódagsettir atburðir

• Mannréttindavaktin var stofnuð í Bandaríkjunum.
• Hljómsveitin Echo & the Bunnymen var stofnuð í Liverpool.
• Fyrstu bækurnar um Smjattpattana komu út í Bretlandi.

§Fædd

• 5. janúar - Emilia Rydberg, sænsk söngkona.
• 7. janúar - Jean Charles de Menezes, brasilískur rafvirki (d. 2005).
• 9. janúar - AJ McLean, bandarískur söngvari (Backstreet Boys).
• 11. janúar - Emile Heskey, enskur knattspyrnumaður.
• 12. janúar - Björn Thors, íslenskur leikari.
• 15. janúar - Eddie Cahill, bandarískur leikari.
• 24. janúar - Kristen Schaal, bandarísk leikkona.
• 24. janúar - Hjalti Þór Vignisson, bæjarstjóri Hornafjarðar.
• 28. janúar - Gianluigi Buffon, ítalskur knattspyrnumaður.
• 28. janúar - Jamie Carragher, enskur knattspyrnumaður.
• 28. janúar - Papa Bouba Diop, senegalskur knattspyrnumaður.
• 7. febrúar - Ashton Kutcher, bandarískur leikari.
• 9. febrúar - A.J. Buckley, írskur leikari.
• 16. febrúar - Vala Flosadóttir, íslensk frjálsíþróttakona.
• 26. febrúar - Abdoulaye Diagne-Faye, senegalskur knattspyrnumaður.
• 27. febrúar - James Beattie, enskur knattspyrnumaður.
• 1. mars - Jensen Ackles, bandarískur leikari.
• 10. mars - Benjamin Burnley, bandarískur söngvari, lagasmiður og gítarleikari Breaking Benjamin .
• 11. mars - Didier Drogba, knattspyrnumaður frá Fílabeinsströndinni.
• 11. mars - Albert Luque, spænskur knattspyrnumaður.
• 14. mars - Pieter van den Hoogenband, hollenskur sundmaður.
• 22. mars - Rökkvi Vésteinsson, íslenskur uppistandari.
• 24. mars - Bertrand Gille, franskur handknattleiksmaður.
• 17. apríl - Jordan Hill, bandarísk söngkona.
• 15. maí - David Krumholtz, bandarískur leikari.
• 18. maí - Ricardo Carvalho, portúgalskur knattspyrnumaður.
• 22. maí - Ginnifer Goodwin, bandarísk leikkona.
• 27. maí - Cindy Sampson, kanadísk leikkona.
• 6. júní - Carl Barat, enskur söngvari og gítarleikari (The Libertines).
• 9. júní - Matthew Bellamy, breskur tónlistarmaður (Muse).
• 19. júní - Dirk Nowitzki, þýskur körfuknattleiksmaður.
• 20. júní - Frank Lampard, enskur knattspyrnumaður.
• 29. júní - Håvard Tvedten, norskur handknattleiksmaður.
• 1. júlí - Eiríkur Örn Norðdahl, íslenskur rithöfundur.
• 2. júlí - Jüri Ratas, eistneskur stjórnmálamaður.
• 22. júlí - A.J. Cook, kanadísk leikkona.
• 7. ágúst - Þórdís Björnsdóttir, íslenskt skáld.
• 23. ágúst - Kobe Bryant bandarískur körfuknattleiksmaður.
• 6. september - Foxy Brown, bandarísk tónlistarkona.
• 8. september - Haukur Ingi Guðnason, íslenskur knattspyrnumaður.
• 14. september - Carmen Kass, eistnesk fyrirsæta.
• 15. september - Eiður Smári Guðjohnsen, íslenskur knattspyrnumaður.
• 22. september - Harry Kewell, ástralskur knattspyrnumaður.
• 25. september - Erla Hlynsdóttir, íslensk blaðakona.
• 28. september - Peter Cambor, bandarískur leikari.
• 6. október - Ricky Hatton, breskur boxari.
• 7. október - Sölvi Björn Sigurðsson, íslenskur rithöfundur.
• 7. október - Omar Benson Miller, bandarískur leikari.
• 23. október - Jimmy Bullard, enskur knattspyrnumaður.
• 23. október - Archie Thompson, ástralskur knattspyrnumaður.
• 30. október - Matthew Morrison, bandarískur leikari.
• 27. nóvember - The Streets, breskur rappari.
• 1. desember - Magni Ásgeirsson, íslenskur tónlistarmaður.
• 2. desember - Nelly Furtado, kanadísk söngkona.
• 2. desember - Chris Wolstenholme, enskur bassaleikari (Muse).
• 5. desember - Sovétríkin skrifuðu undir vináttusamning við kommúnistastjórn Afganistan.
• 18. desember - Katie Holmes, bandarísk leikkona.
• 19. desember - Brynjar Már Valdimarsson, íslenskur útvarpsmaður.
• 21. desember - Kevin Federline, bandarískur dansari.
• 28. desember - John Legend, bandarískur tónlistarmaður.
• 28. desember - Jógvan Hansen, færeyskur söngvari.

§Dáin

• 13. janúar - Hubert Humphrey, bandarískur stjórnmálamaður (f. 1911).
• 14. janúar - Kurt Gödel, tékkneskur rökfræðingur (f. 1906).
• 11. febrúar - Harry Martinson, sænskur rithöfundur (f. 1904).
• 1. mars - Paul Scott, breskur rithöfundur (f. 1920).
• 7. mars - Svafa Þórleifsdóttir, íslenskur skólastjóri (f. 1886).
• 28. mars - Vilhjálmur Vilhjálmsson, íslenskur söngvari (f. 1945).
• 23. apríl - Jacques Rueff, franskur hagfræðingur og ráðgjafi de Gaulles, hershöfðingja og Frakklandsforseta (f. 1896).
• 25. apríl - Jökull Jakobsson, íslenskur rithöfundur (f. 1933).
• 30. apríl - Haraldur Jónasson, íslenskur stjórnmálamaður (f. 1895).
• 9. maí - Aldo Moro, ítalskur stjórnmálamaður (f. 1916).
• 22. júní - Jens Otto Krag, danskur stjórnmálamaður (f. 1914).
• 6. júlí - Denys Page, breskur fornfræðingur (f. 1908).
• 6. júlí - Joseph Thorson, vesturíslenskur stjórnmálamaður (f. 1889).
• 29. ágúst - Loftur Guðmundsson, íslenskur þýðandi (f. 1906).
• 28. september - Jóhannes Páll 1. páfi (f. 1912).
• 15. nóvember - Margaret Mead, bandarískur mannfræðingur (f. 1901).
• 20. nóvember - Giorgio de Chirico, ítalsk-grískur listmálari (f. 1888).
• 1. desember - Dag Strömbäck, sænskur þjóðfræðingur og textafræðingur (f. 1900).
• 8. desember - Golda Meir, fyrrum forsætisráðherra Ísrael (f. 1898).
• 18. desember - Harold Lasswell, bandarískur stjórnmálafræðingur (f. 1902).

§Nóbelsverðlaunin

• Eðlisfræði - Pyotr Leonidovich Kapitsa, Arno Allan Penzias, Robert Woodrow Wilson
• Efnafræði - Peter D Mitchell
• Læknisfræði - Werner Arber, Daniel Nathans, Hamilton O. Smith
• Bókmenntir - Isaac Bashevis Singer
• Friðarverðlaun - Mohamed Anwar Al-Sadat og Menachem Begin
• Hagfræði - Herbert Simon