Microsoft
Microsoft (acrónimu de Microcomputer Software) ye una empresa d'Estaos Xuníos, fundada y dirixida por William H. Gates III (Bill Gates) y Paul Allen, siendo'l primeru'l so principal propietariu.
La empresa ye la dueña de los sistemes operativos Microsoft Windows.
Al entamu de 1998, Microsoft algamó un alcuerdu temporal col Departamentu de Xusticia estaunidense que-yos permitía a los fabricantes de PC ufiertar una versión de Windows 95 ensin Internet Explorer. De toles maneres, en mayu de 1998 el Departamentu de Xusticia y vente estaos más presentaron demandes a la escontra de Microsoft por supuestes práutiques monopolístiques y por abusar de posición dominante nel mercáu pa fundir la competencia. Estes demandes obligaron a Microsoft a vender Windows ensin Internet Explorer o a incluir Netscape Navigator, el navegador web de Netscape Communications Corporation, la competencia. Les demandes tamién obligaron a camudar dalgunos contratos y la política precios.
En xunu de 1998 Microsoft sacó Windows 98, qu'inclúi funciones integraes p'accesu a Internet. Al mes siguiente Bill Gates nomó presidente de la compañía a Steve Ballmer, hasta entós vicepresidente executivu, y ésti fízose cargu de la supervisión de les actividaes empresariales diaries de Microsoft.
En 1999 Microsoft pagó 5000 millones de dólares a la compañía de telecomunicaciones AT&T Corp pa emplegar el so sistema operativu Windows CE en dellos dispositivos diseñaos pa ufiertar a los consumidores servicios integraos de televisión per cable, teléfonu y accesu rápido a Internet. Amás, esi mesmo añu, la compañía sacó Windows 2000, la versión más actualizada del sistema operativu Windows NT. En xineru de 2000 Bill Gates pasó-y el so cargu de presidente executivu (CEO) a Steve Ballmer, un camudamientu que-y permitió a aquel centrase nel desendolcu de nuevos productos y teunoloxíes.
En 2003 ente griesques llegales, nuevos mercaos y entamos, Microsoft ye una de les empreses más conocíes y calteniéndose con un puestu rescampláu na bolsa.
Enllaces esternos[editar | editar la fonte]
- Páxina oficial (n'inglés)
