Microsoft

Microsoft Corporation
Unternähmensform	Kapitalgsellschaft
ISIN	US5949181045
Gründig	1975
Sitz	Redmond, US-Bundesstaat Washington, USA
Leitig	Bill Gates, Gründer und Vorsitzend; Paul Allen, Mitgründer; Steve Ballmer, CEO; Ray Ozzie, Entwickligsabteilig;
Mitarbeiter	78.565 (30. Juni 2007)
Umsatz	51,12 Mrd. USD (2007)
Branche	Softwareentwicklig
Produkt	Software, Hardware
Uffdritt im Netz	http://microsoft.com

D´ Microsoft Corporation isch dr weltwyt gröscht Programmhersteller mitm Hauptsitz in Redmond (en Vorort vo Seattle, US-Bundesstaat Washington). Ds' Unternehme isch 1975 vum Bill Gates und em Paul Allen gründet worde. Dr Name „Microsoft“ stoht für Microcomputer-Software und isch zum erschte Mal am 29. November 1975 vum Bill Gates inem Brief an dr Paul Allen benutzt worde. Am 6. Jänner 1976 isch „Microsoft“ e ihtrageni Handelsmarke worde. Dr jetzig CEO isch dr Steve Ballmer.

Nach de afängliche Erfolg mit nem' BASIC-Interpreter am Endi vu'de 70er-Joohre hett die Firma erschtmals 1981 ds Betriebssyschtem MS-DOS vorgstellt. D'Entwicklig vu MS-DOS isch im Uftrag vu IBM duregfüehrt worde. Dr IBM-PC und deri Nachbaute uf PC-Basis sind ide 80er Johre mit dem DOS- Betriebssyschtem usgstattet worde. Mit'm grafische Benutzersyschtem Microsoft Windows und'm Büroprogramm Microsoft Office isch Microsoft Marktfüehrer worde.