Tuisblad

Welkom by Wikipedia, die vrye ensiklopedie wat deur enigeen verbeter en uitgebrei kan word.	Sondag, 5 Julie 2015 Hier is tans 35 926 artikels in Afrikaans.
Help ons om ’n Afrikaanse wêreldklas-ensiklopedie te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Swangerskap vind plaas wanneer 'n vrou 'n bevrugte eier in haar baarmoeder dra. Na geslagsgemeenskap word 'n eiersel deur 'n spermsel bevrug en die eier ontwikkel tydens die swangerskap tot 'n embrio en dan 'n fetus, om as baba gebore te word. 'n Vrou se swangerskap duur ongeveer 40 weke, gemeet vanaf die eerste dag van haar laaste menstruasiesiklus. Die term "swangerskap" is slegs op mense van toepassing, ander vroulike soogdiere is "dragtig".

As gevolg van die ontwikkeling van 'n nuwe lewe in haar baarmoeder, ondergaan 'n vrou se liggaam 'n aantal veranderinge, die eerste hiervan is die afwesigheid van haar maandstonde, wat dikwels vir baie vroue die eerste teken is dat hulle swanger kan wees. Ander simptome in die eerste paar maande is (oggend)naarheid, sensitiewe/opgeswelde borste, moegheid, toenemende besoeke aan die toilet en krampe of bloeding wat nie aan die menstruasiesiklus verwant is nie.

Alhoewel elke swangerskap 'n unieke verloop volg, word daar tog 'n algemene tydsverloop gebruik om die groei van die ongebore baba te beskryf, vanaf die vrystelling van die eiersel (week 1) tot geboorte (week 40).

...lees verder

In die nuus

Tydens UNESCO se 39ste sessie in Bonn, Duitsland, is onder andere Diyarbakır en Efese in Turkye, Palermo in Italië, en San Antonio in die Verenigde State as wêrelderfenisgebiede gelys, terwyl die inskripsies van die gebiede Jakobsweg en Santiago de Compostela in Spanje, Kaapse floraryk in Suid-Afrika en Phong Nha-Ke Bang Nasionale Park in Viëtnam uitgebrei is.
In 'n referendum verwerp Griekse kiesers 'n internasionale reddingspakket vir die wanbetalende regering in Athene.
Die Nieu-Seelandse rugbyspan Highlanders wen die eindwedstryd van die vyfde Superrugbyseisoen teen die Nieu-Seelandse Hurricanes met 21 – 14.
Die Verenigde State en Kuba het amptelik aangekondig dat hul ambassades heropen sal word vir die eerste keer sedert 1961.
Luxemburg neem die voorsitterskap van die Europese Unie by Letland oor.
'n Rekordtemperatuur van 36,7 °C word aangeteken op Londen se Heathrow-lughawe op die warmste Juliedag tot nog toe in die Verenigde Koninkryk.

Het u geweet...

... dat 'n deel van Brasilië vroeër aan Nederland behoort het? Nederlands-Brasilië was van 1630 tot 1654 'n Nederlandse kolonie wat vanaf Portugal oorgeneem is.

... dat Winston Churchill 'n krygsgevangene in Suid-Afrika was? Tydens die Anglo-Boere Oorlog is hy in Natal deur boeremagte gevang. Op 12 Desember 1899 ontsnap hy uit die Staatsmodelschool waar hy aangehou is en vlug te voet en per trein na Lourenço Marques.

Vandag in die geskiedenis

5 Julie:

1687 – Volume 1 van Isaac Newton se Philosophiae Naturalis Principia Mathematica word vir die eerste keer gepubliseer.
1811 – Venezuela verklaar sy onafhanklikheid van Spanje.
1969 – Die Duitse argitek Walter Gropius, stigter van Bauhaus, sterf op 86-jarige ouderdom in Boston in die Verenigde State.
1975 – Kaap Verde word van Portugal onafhanklik.
1989 – Oliver North word gevonnis vir sy aandeel in die Iran-Contra-skandaal.