Wikipedia

O logo

Wikipedia a l'è 'n'ençiclopedia lìbera online e 'n'organisassion non-profit.

Fondaa da Jimbo Wales, co-a collaborassion de Larry Sanger, o progetto o l'è comensòu o 15 zennâ 2001, comme complemento de l'ençicopedia scrita da asperti Nupedia. Òua a dipende da a Wikimedia Foundation.

'St'ençiclopedia a l'è fæta con l'agiùtto de tùtti i membri, che pêuan creâ, modificâ e scassâ e voxe, e caregâghe de imàggini e di archivi.

Gh'è de verscioìn in ciù de 250 lengoe.

Wikipedia a gh'aiva in totâle into meise d'arvî 2008 ciù de 10 milioìn d'articoli, e in frevâ 2006 a l'à acciappòu a çiffra de 1.000.000 d'utenti registræ.

Inta Wikipedia de lengoa ligure e voxi son 2 953.

E Wikipedie ciù grendi:

• Ingleise - ciù de 2.213.879 voxi.
• Tedesca - ciù de 703.936 voxi.
• Françeise - ciù de 618.023 voxi.
• Polacca - ciù de 467.938 voxi.
• Giapponeise - ciù de 409.641 voxi
• Italiann-a - ciù de 400.070 voxi.
• Olandeise - ciù de 407.146 voxi.
• Portogheise - ciù de 358.621 voxi.
• Spagnòlla - ciù de 329.549 voxi.
• Svedeise - ciù de 273.269 voxi.
• Rûssa - ciù de 232.578 voxi.

Va a vedde a lista de tùtte e Wikipedie: inta Meta-Wiki