Portada

xoves, 28 de xaneiro de 2016

a versión en galego da Wikipedia. Este é un proxecto internacional feito por voluntarios, co propósito de facer unha enciclopedia libre, accesible, colaborativa e de balde en moitos idiomas. O obxectivo é a plena transmisión da sabedoría e o coñecemento sen restricións editoriais nin comerciais. O desenvolvemento da Wikipedia está aberto a toda persoa interesada en contribuír.

Nesta versión galega, que comezou o 8 de marzo de 2003, xa temos 127.457 artigos.

Benvida COMOs Preguntas frecuentes Comunidade Políticas Artigos de calidade Axuda

Sobre Galicia
A Festa dos Fachós de Castro Caldelas celébrase o 19 de xaneiro na véspera do día de San Sebastián, comeza coa caída do sol e prolóngase durante a noite. Esta celebración converteuse nunha das tradicións de culto ó lume máis representativas de Galicia, na liña doutros folións con fachas que aínda persisten. Consiste a festa nunha procesión na que se portan centos de fachos arredor do Castelo de Castro Caldelas, partindo da igrexa dos Remedios e facendo un percorrido en plena escuridade tralo facho principal (de varios metros de longo), que precede á imaxe do santo, feita de palla ó igual que os fachóns.Finaliza a procesión no adro da igrexa onde se queiman os fachos nunha gran fogueira, culminando o rito do lume purificador no medio do repenicar das campás A Festa dos Fachós encádrase dentro dos folións de véspera xunto a outras celebracións con fachas que aínda perduran, o Folión de Fachas de Vilelos ou a Queima das Fachas de Castelo.
Vexa tamén o mes de xaneiro na cultura popular galega
Artigo destacado
John Ronald Reuel Tolkien citado a miúdo como J. R. R. Tolkien, (pronuncia: [ˈtɒlkiːn]), nado en Bloemfontein o 3 de xaneiro de 1892 e finado en Bournemouth o 2 de setembro de 1973, foi un escritor, poeta, filólogo e profesor de universidade inglés de orixe surafricana, coñecido principalmente polas súas obras O Hobbit, O Señor dos Aneis e O Silmarillion. A popularidade das súas obras fixo que se lle identifique popularmente coma o "pai" da literatura fantástica moderna. Foi profesor de anglosaxón no Pembroke College de 1925 a 1945, e profesor de lingua e literatura inglesa no Merton College de 1945 a 1959. Foi nomeado Comandante do Imperio Británico pola raíña Isabel II o 28 de marzo de 1972. En 2008, o xornal The Times clasificouno no sexto posto nunha lista dos "50 escritores británicos máis importantes dende 1945". Forbes clasificouno no 5º posto das personalidades defuntas con máis ingresos no 2009.
Tal día como hoxe no ano...
Etapas construtivas da Torre Eiffel 1547, morre Henrique VIII de Inglaterra, rei, creador da Igrexa Anglicana 1853, nace José Martí, revolucionario cubano (m. 1895). 1887, comeza a construción da Torre Eiffel. 1930, morre en Asados, Rianxo Manuel Antonio, poeta galego (n. Rianxo, 12 de xullo de 1900). 1935, Islandia é o primeiro país en legalizar o aborto.
Vexa máis efemérides do día de hoxe